Qostanaılyq jigit terezeden qulaǵaly turǵan sábıdi qutqardy
QOSTANAI. QazAqparat – Qostanaı qalasynda kóshede ketip bara jatqan jigit terezeden qulaǵaly turǵan balany qutqaryp qaldy, dep habarlaıdy QazAqparat.
Kýágerlerdiń aıtýynsha, oqıǵa búgin saǵat 18:30 shamasynda Qostanaı-2 shaǵyn aýdanynda bolǵan. Instagram qoldanýshylary áleýmettik jelige vıdeony júktedi. Er adam ekinshi qabattaǵy ashyq terezeden qarap turǵan sábıge gaz qubyry arqyly kóterilgen.
«Bárimiz aýlada júrgen edik. Kenet úıdiń ekinshi qabatyndaǵy terezege shyǵyp ketken balany kórdik. Sol ýaqytta jas jigit júgirip kelip, sábıdi qutqarýǵa kiristi», - deıdi Samal esimdi oqıǵa kýágeri.
Kórshilerdiń sózinshe, bala úıde qaraýsyz qalǵan.
Aıta keteıik, Tótenshe jaǵdaılar departamenti qaıǵyly oqıǵalardy boldyrmaý úshin terezege bala ózdigimen asha almaıtyn buǵattaýyshtar ornatý qajettigin eskertken edi.
