Qostanaılyq jetkinshekter jedel járdem qyzmetine negizsiz birneshe qońyraý shalǵan
QOSTANAI. QazAqparat – Qostanaı oblysynda balalar men jetkinshekter jedel járdem qyzmetine negizsiz birneshe qońyraý shalyp, call-ortalyqtyń jumysyna kedergi jasaǵan, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinde aıtylǵandaı, jedel járdem qyzmetiniń call-ortalyǵyna birneshe jetkinshek negizsiz qońyraý shalǵan.
Sonymen qatar, oıyn balalary operatorlarǵa balaǵat sózder aıtqan.
«Bizdiń qyzmettiń jelisine keshe saǵat 14:00 bastap, bir bala qońyraý shala berdi. Saldarynan call-ortalyqtyń jumysy toqtap qaldy. Bálkim, sol aralyqta rasymen de kómekke shaqyrǵandar bolýy múmkin. Ata-analar balalardy qaraýsyz qaldyrmaýlary tıis. Munyń arty úlken jaýapkershilikke ákeletinin eske salamyz. Mundaı jaǵdaılar kóbeıip barady», - deıdi oblystyq jedel járdem qyzmetiniń jetekshisi Irına Shteıgervald.
Dárigerler bul derek boıynsha oblystyq polıtsııa departamentine habar bergen.
