Qostanaılyq jedel járdem qyzmeti reanımobıldermen tolyqty
QOSTANAI. QazAqparat - Táýelsizdik kúni merekesi qarsańynda Qostanaı qalasynyń jedel járdem qyzmeti jańa kóliktermen tolyqty, dep habarlaıdy QazAqparat tilshisi.
Búgin Qostanaı oblysynyń ákimi Arhımed Muhambetov «Jedel járdem» stansasy qyzmetkerlerine jeti kóliktiń kiltin saltanatty túrde tapsyrdy. Aımaq basshysy jıylǵandardy aıtýly datamen quttyqtap, densaýlyq saqtaý salasyna avtomattandyrylǵan dıspetcherlik-aqparat qyzmetin engizý, dári-dármektermen qamtamasyz etý sııaqty qol jetken birqatar jetistikterdi atap ótti.
«Osynaý ulyq mereke qarsańynda oblystyń jedel járdem qyzmetine jańa zamanaýı kólikterdi syılap otyrmyz. Bul reanımobılderdi satyp alýǵa jergilikti bıýdjetten 223 mln teńge qarjy jumsadyq. Avtokólikter zaman talabyna saı qural-jabdyqtarmen qamtylǵan. Aldaǵy ýaqytta densaýlyq saqtaý salasynyń qyzmet kórsetý sapasy artyp, ólim-jitim kórsetkishi azaıady dep senemiz», - dedi óńir basshysy.
Jalpy, oblysta barlyǵy 39 jedel járdem avtokóligi bar. Sonyń 16-sy qala ishinde jumys isteıdi. Belgili bolǵandaı, jyl saıyn oblystyń jedel járdem qyzmetine shamamen 1 mlrd 700 mln teńge qarjy jumsalady.
