Qostanaılyq jastar «ECO-shallenge» aktsııasyn bastady
QOSTANAI. QazAqparat - Qostanaı oblysynda «ECO-challenge Qostanai» ekologııalyq aktsııasy ótip jatyr, dep habarlaıdy QazAqparat.
Jitiqara, Qamysty, Denısov aýdandaryn qamtyǵan shara búgin Taran aýdanynda jalǵasty.
Taran aýdanyndaǵy Áıet aýylynyń belsendi jastary qoldaryna tyrma men polıetılen paketterin alyp, aýylǵa kireberistegi kópirge qaraı baǵyt aldy. Kóktem kelisimen Áıet ózeniniń jaǵalaýynda birneshe ret senbilikter ótkizilgenimen, adam sanynyń azdyǵy qoqystan júz paıyz qutylýǵa múmkindik bermedi. Mine, araǵa apta salyp ıgilikti iske 500-ge jýyq mektep pen kolledj shákirtteri, jas mamandar men eriktiler atsalysyp otyr.
«Bir saǵatqa jeter-jetpes ýaqytta ózenniń qos jaǵalaýynan ondaǵan paket qoqys jınaldy. Aınala jyp-jınaqy, ári tap-taza kúıge endi. Ózimiz ómir súrip jatqan súıikti aýylymyzdy ózimiz tazartpasaq, syrttan kelip eshkim jınap bermeıdi. Aktsııanyń árbir qatysýshysy osyny jaqsy biledi, túsinedi. Bir jaǵynan, taza aýada jumys isteý densaýlyqqa da paıdaly», - deıdi tazalyq jarshylarynyń biri Janııa Shóptibaı.
Osyndaı chellendj Lısakov qalasynda da ótti. Qala turǵyndary, memlekettik qyzmetkerler, stýdentter, jumysshylar jáne barlyq erikti top qala ishinen 6,5 tonna qoqys jınady. Olar 14 shaqyrymdy júrip ótti.
Aıta keteıik, ekologııalyq jobanyń qorytyndysy Qostanaıda ótetin Qazaqstan men Reseı jastarynyń yntamaqtastyq forýmynda shyǵarylady.
