Qostanaılyq jasóspirim prezıdenttik olımpıadada «altyn» enshiledi

QOSTANAI. QazAqparat - Qostanaı qalasyndaǵy Nazarbaev zııatkerlik mektebiniń 12-shi synyp oqýshysy Álıjan Ybyraev Prezıdenttik olımpıadada birinshi orynǵa ıe boldy, dep habarlaıdy QazAqparat.

Qarashanyń 15-18 aralyǵynda Qazaqstan Respýblıkasynyń Bilim jáne ǵylym mınıstrligi Qaraǵandy qalasyndaǵy akademık E.A.Bóketov atyndaǵy ýnıversıtette jaratylystaný-matematıkalyq tsıkl pánderi boıynsha HIV Prezıdenttik olımpıadany ótkizdi. Bıyl olımpıadaǵa respýblıkanyń 183 oqýshysy jınalyp, matematıka, fızıka, hımııa jáne bıologııa pánderinen bilimderin kórsetti.

Bul dodada ózderin laıyqty tanytqan «Nazarbaev zııatkerlik mektepteri» qurama komandasy «2021 jyldyń úzdik olımpıadalyq komandasy» atandy. Al qatysýshylar arasynda Qostanaı qalasyndaǵy fızıka-matematıkalyq baǵytyndaǵy NZM oqýshysy Álıjan Ybyraev erekshe bilim kórsetip, Prezıdenttik olımpıadada jeńimpazdardyń biri atandy. Budan bólek, ol Qazaqstandaǵy eń bedeldi tehnıkalyq ýnıversıtetterdiń biri Satbayev University-inde bilim alý grantyn aldy.

Prezıdenttik olımpıadanyń qorytyndysy boıynsha NIS oqýshylary 4 altyn, 3 kúmis jáne 7 qola medal jeńip alǵan.