Qostanaılyq zeınetkerler óz úılerinde órtenip ketti
QOSTANAI. QazAqparat - Qostanaı oblysyndaǵy aýyldardyń birindegi turǵyn úı órti kezinde eki zeınetker kóz jumdy, dep habarlaıdy QazAqparat oblystyq TJD baspasóz qyzmetine silteme jasap.
Qaıǵyly oqıǵa keshe Stantsıonnoe aýylyndaǵy úılerdiń birinde bolǵan.
«Saǵat 04.36-da jeke turǵyn úı órtendi. Úıdiń kireberisi men dálizi, vanna bólmesi janyp ketti. Órt tóbe jabyndysynyń keı jerlerin sharpydy. Órt aýqymy 30 sharshy metrdi qurady. Qutqarýshylar kelmeı turyp, janyp jatqan úıden eki adamnyń denesi tabyldy», - delingen oblystyq TJD baspasóz qyzmeti taratqan habarlamada.
Aldyn ala anyqtalǵandaı, órt kezinde 80 jastaǵy úı ıesi men onyń 78 jastaǵy jubaıy kóz jumǵan. Órttiń sebepteri anyqtalyp jatyr.
