Qostanaılyq zeınetker ystan ýlanyp kóz jumdy
QOSTANAI. QazAqparat - Áýlıekól aýdanynda 78 jastaǵy zeınetker ystan ýlanyp, qaza boldy, dep habarlaıdy QazAqparat tilshisi QR ІІM Tótenshe jaǵdaılar komıtetiniń ókili Rýslan Imanqulovqa silteme jasap.
8 qańtar kúni Amanqaraǵaı aýylynyń 78 jastaǵy turǵyny óz úıinde kómirden ýlanyp, kóz jumdy. Taǵy osyǵan uqsas jaǵdaı 7 qańtarda Qostanaı qalasynda da qaıtalandy. 20 jastaǵy boıjetken men 10 jasar bala ysqa ýlandy.
«2017 jyldyń qazan aıynan bastap búgingi kúnge deıin respýblıka boıynsha barlyǵy 28 adam ystan ýlanyp, kóz jumdy, 183 adam jaraqat aldy. Qaza bolǵandardyń arasynda 1 bala bar. Búginde bizdiń azamattyq qorǵaý organdarynyń qyzmetkerleri arnaıy reıdter júrgizedi. Ol reıdter barysynda turǵyndardyń úılerine kirip, úgit-nasıhat paraqshalaryn taratyp, peshterdi aqaýsyz qalaı qoldaný keregi týraly aıtyp turady»,-dedi Rýslan Imanqulov.
