Qostanaılyq zeınetker óz úıinde órtenip ketti
QOSTANAI. QazAqparat - Fedorov aýdanyndaǵy jeke úılerdiń birinen órt shyǵyp, zeınetker qaza boldy, dep habarlaıdy QazAqparat tilshisi.
Aqparatty oblystyq TJD baspasóz qyzmeti rastady.
«Fedorov aýdandyq tótenje jaǵdaılar bólimine Peshkov aýylyndaǵy jeke turǵyn úılerdiń birinen órt shyqqany týraly málimet tústi. Úı ishindegi jıhaz órtengen. Órt aýqymy 80 sharshy metrdi qurady. Oqıǵa ornynan 1953 jyly týǵan er adamnyń múrdesi tabyldy. Basqa málimetter anyqtalyp jatyr», - dedi TJD baspasóz qyzmetindegiler.
Aldyn ala boljam boıynsha, órt elektr qurylǵysynyń qysqa tuıyqtalýynan shyqqan.
