Qostanaılyq zeınetker qoımaǵa urlyqqa túsken kúdiktini ustady
QOSTANAI. QazAqparat - Taran aýdanynyń turǵyny Bolat Jamankózov qoımadan metall zattaryn urlap jatqan kúdiktini qolǵa túsirdi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Oqıǵa Taran aýylynyń Táýelsizdik kóshesinde bolǵan. Aýyl turǵyny, zeınetker Bolat Jamankózov qoımadan metall zattaryn urlap áketip bara jatqan er adamdy kóredi.
«Bolat Jamankózov kúdiktini toqtatqanymen, ol qashyp ketpek boldy. Biraq, zeınetker qyraǵylyq tanytyp, urynyń qutylyp ketýine jol bermedi», - deıdi vedomstvonyń baspasóz qyzmetindegiler.
Zeınetker temir urlamaq bolǵan kúdiktini tártip saqshylaryna tapsyrdy. Qazirgi ýaqytta bul fakt boıynsha QR QK 187-babymen qylmystyq is qozǵaldy.
Taran aýdandyq polıtsııa bólimi uryny qolǵa túsirgen zeınetkerge alǵys jarııalady.
