Qostanaılyq zańger 42 500 teńge úshin alǵys aıtty
QOSTANAI. QazAqparat – Qostanaı oblysyndaǵy zańgerlik ortalyǵynyń basshysy áleýmettik kómekke qalaı ótinim bergenin aıtyp berdi, dep habarlaıdy QazAqparat.
Qambar Sharafıev birneshe jyl buryn zańgerlik ortalyǵyn ashqan. Tótenshe jaǵdaılar rejımi engizilgen soń jeke kásipkerdiń de jumysy toqtady. Alaıda ol tabysynan aıyrylǵan kásipker retinde memleket tarapynan beriletin áleýmettik kómekke ıe boldy.
«Tótenshe jaǵdaı rejımi engizilgen soń kásibimdi de toqtata turýǵa májbúr boldym. Qarjy máselesi týyndaǵan soń Prezıdentimiz Qasym-Jomart Toqaevtyń keńesine júginip, 42 500 teńge kóleminde áleýmettik kómek alǵym keldi. 2020 jylǵy 31 naýryz kúni egov.kz portalyna kirip, áleýmettik kómekti taǵaıyndaý týraly ótinimdi toltyrdym. Maǵan áleýmettik tólem beriletini týraly habarlama keldi. Al birneshe kúnnen keıin 42 500 teńge meniń esepshotyma tústi. Osyndaı jaǵdaıda kásipkerlerdi qoldaǵan QR Prezıdentine, QR Úkimetine, Qostanaı qalasynyń jumyspen qamtý bóliminiń qyzmetkerlerine alǵys aıtamyn. Jergilikti atqarýshy organdar ýaqytyly, jedel kómek kórsetti. Biz koronavırýsty da tez jeńemiz dep úmittenemin», - deıdi Qambar Sharafıev.
