Qostanaılyq volonterler jıyrmadan astam otbasyna azyq-túlik jetkizdi

QOSTANAI. QazAqparat – Amangeldi aýdanynyń erikti jastary muqtaj jandarǵa járdemdesip, aýyl ishindegi qar tazalaý jumystaryna atsalysty, dep habarlaıdy QazAqparat.

Amangeldi aýdanynyń jastary az qamtylǵan otbasylar men ardagerlerdiń úıine baryp, járdem tıgizýdi ádetke aınaldyrǵan. Kóktem túse respýblıkalyq #Bárimiz_birge aktsııasy aıasynda bul jumys jandandy. Aýdan ortalyǵyndaǵy 3 mekteptiń 1981 jylǵy túlekteri, az ýaqyt ishinde aýdandaǵy 7 otbasyǵa jaqsylyq jasady. Olar qaıyrymdylyq estafetasyn Amangeldi aýdanynyń 1980 jyly týylǵan túlekterine joldap, saýapty shara jalǵasyn tapty.

«Negizi #Bárimiz_birge aktsııasy aıasynda aýdan ákimi Ámirhan Asanov er azamattarǵa usynys tastap, sý tasqynynyń aldyn alý maqsatynda qar tazalaýǵa shaqyrǵan bolatyn. Bizdiń jastar osy usynysty qoldap, tyl ardagerlerine, jalǵyzbasty zeınetkerlerge, múmkindigi shekteýli, kómekke muqtaj jandardyń aýlasyn qardan tazartyp, azyq-túlikpen járdemdestik. B. Qoldasbaev orta mektebiniń er azamattary 5 otbasyna baryp, volonterlik qyzmet kórsetti. Osy atalmysh aktsııaǵa barlyq mektep, mekeme ujymdary bir kisideı atsalysty», - dep atap ótti aýdandyq jastar resýrstyq ortalyǵynyń mamandary.

Aýdan volonterleri ázirge 18 otbasyna azyq-túlik jetkizip, qar tazalaý jumystaryna kómek berdi.