Qostanaılyq turǵyn úıge «jarylǵysh zat» qoıǵan
QOSTANAI. QazAqparat - 22 jastaǵy Qostanaı turǵyny jarylǵysh zat qoıylǵany jóninde jalǵan habar bergen, dep habarlaıdy QazAqparat oblystyq ІІD baspasóz qyzmeti silteme jasap.
9 qańtar kúni saǵat 02:30 shamasynda «102» nómirine Kırpıchnaıa kóshesindegi úıde jarylǵysh zat qoıylǵany jóninde jasyryn habarlama kelip túsken. Oqıǵa bolǵan jerge tártip saqshylary, kınologtar, jedel járdem, órt sóndirýshiler qyzmeti jumyldyryldy.
«Polıtsııa ókilderi aqparattyń jalǵan ekenin dáleldedi. Sol kúni kúdiktiniń kim ekenin anyqtaldy. Ol 22 jastaǵy jumyssyz, qala turǵyny bolyp shyqty. Mundaı habar taratqan jigit 8 qańtar kúni keshke Kırpıchnaıa kóshesindegi tanysynyń úıinde qonaqta bolǵan. Tún aýa otyrystan mas shyqqan ol polıtsııaǵa jalǵan habarlama jibergen», - dep habarlady oblystyq ІІD baspasóz qyzmetindegiler.
Qazir kúdikti ustaldy, tergeý amaldary júrgizilýde. 22 jastaǵy qala turǵynynyń kinási dáleldense, ol 6 jylǵa deıin bas bostandyǵynan aıyrylýy múmkin. Polıtseıler terrorızm týraly jalǵan aqparat taratqandardyń mekenjaıyn anyqtaý qıyn emestigin eskertip, turǵyndardy saq bolýǵa shaqyrady.
