Qostanaılyq turǵyn kórshisiniń atynan 36 nysanǵa bomba qoıylǵany týraly habarlaǵan

NUR-SULTAN. QazAqparat – Kórshisiniń atynan 36 nysanǵa bomba qoıylǵany týraly habarlama taratqan qostanaılyqtyń isi sotqa joldandy. Bul týraly ІІM Ekstremızmge qarsy is-qımyl departamenti basqarma bastyǵynyń orynbasary Spartak Qabdenov aıtty, dep habarlaıdy QazAqparat tilshisi.

«Osy jyly naýryzda Kóliktegi polıtsııa departamenti Qostanaı oblysynyń qyzmetkerlerimen birlesip óńir turǵynyn ustady. Ol Almaty jáne Nur-Sultan qalalaryndaǵy 36 nysannyń elektrondyq poshtalaryna jalǵan habar joldaǵan. Atalǵan qylmystyq is aıaqtalyp, sotqa joldandy. Kúdikti bul teris áreketke kórshisimen daýlasqannan keıin barǵan. Sonyń atynan habarlama jibergen», - dedi ol mınıstrliktiń baspasóz qyzmeti alańynda ótken brıfıngte.

Sondaı aq, ol Atyraý oblysynda da mektep oqýshysy sabaqty úzý úshin mekteptiń elektrondyq poshtasyna habarlama joldaǵanyn atap ótti.

Jalpy, ótken jyly terrorızm aktisi týraly 73 kórneý jalǵan habar tirkelse, bıylǵy 5 aıda ǵana qylmystyq isterdiń sany 72-ge jetip otyr.