Qostanaılyq turǵyn aýlada turǵan kóligine jaqyndaǵan adamdy atyp tastaǵan
ASTANA. QazAqparat - Qostanaılyq azamat aýlada turǵan kóligine jaqyndaǵan adamdy atyp tastaǵan, dep jazady «Nasha gazeta».
Oqıǵa naýryz aıynyń 19-ynan 20-syna qaraǵan túni oryn alǵan. Al-Farabı dańǵylyndaǵy № 138 úıdiń turǵyny túngi úsh kezinde aýlada turǵan kóligine bireýdiń jaqyn kelgenin baıqaǵan. Dereý bul jerden ket dep aıhaılaǵanymen, onyń bul talapty oryndaıtyn túri baıqalmaǵan. Sodan turǵyn pnevmatıkalyq qarýyn alyp, terezeden kózdep turyp atyp salǵan.
Oqıǵa ornyna kelgen «Jedel járdem» qyzmetkeri beısaýat júrgen 31 jastaǵy er adamnyń qaıtys bolǵanyn anyqtaǵan.
Oqıǵa boıynsha QR QK «Kisi óltirý» baby boıynsha qylmystyq is qozǵaldy.
