Qostanaılyq temeki tuqylyn tastaǵany úshin qamaldy
QOSTANAI. QazAqparat - Qostanaı qalasy mamandandyrylǵan ákmshilik soty temeki tuqylyn beısaýat tastaǵan qala turǵynyna qatysty isti qarady, dep habarlaıdy QazAqparat tilshisi.
«Qostanaı oblysy turǵynyna qatysty QR Ákimshilik quqyq buzýshylyq týraly kodeksiniń 434-babynyń 1-bóligimen qozǵalǵan isti qarady. Qostanaılyq dál osyndaı tártip buzýshylyqqa bir jylda ekinshi ret baryp otyr. Sondyqtan da oǵan qatań jazaǵa kesilip otyr. Ol bir táýlikke qamaýǵa alyndy», - dedi prokýror Ásel Jaqypova.
Aıta keteıik, oblystyq ІІD jergilikti polıtsııa qyzmeti úsh kún boıy «Tártipsizdikke jáne quqyq buzýshylyqqa nóldik shydamdylyq» atty respýblıkalyq aktsııasyn ótkizgen bolatyn. Nátıjesinde, qoǵamdyq oryndy lastaǵan 102 buzaqy ákimshilik jaýapqa tartyldy.
Tártip saqshylary qoǵamdyq orynda temeki qaldyǵyn tastap, ortaq paıdalaný ornyn lastaǵan buzaqylar qatań jazaǵa tartylatynyn eskertedi.
