Qostanaılyq tasymaldaýshylar qalalyq kólikterdiń tarıfin kóterýdiń qajettiligin málimdedi
QOSTANAI. QazAqparat - Jolaýshylar tasymalymen aınalysatyn qostanaılyq kompanııalardyń basshylary óz tarıfterin kóterý týraly ótinish bildirdi.
Bul týraly «QazAqparat» HAA tilshisi Qostanaı qalalyq ákimdigindegi derekkózge silteme jasap habarlady.
Oblys ortalyǵy ákimdiginiń bas ınspektory Samat Jandildın bul aqparatty rastady. Jandildınniń málimdeýinshe, tasymaldaýshylar avtobýspen júrý qunyn qalaishilik marshrýttarda 10-20 teńgege kótermekshi. «Tasymaldaýshylardyń aıtýynsha, qazirgi 60 teńgelik tarıf avtoparktiń shyǵyndaryn ótemeıdi jáne damýyna múmkindik bermeıdi, - dep túsindirdi QazAqparattyń áńgimelesýshisi. - Tarıftik ótinimdermen birge tasymaldaýshylardyń talaptaryna negizdelgen esepter qosa jiberilgen».
Negizinen, qalalyq kólik kompanııalarynyń ıegerleri janar-jaǵarmaı materıaldary men eski avtoparkterdiń qosalqy bólshekteri qunynyń kóterilýin syltaýratýda.
Qalalyq bılik ótinimdi bir aıdyń ishinde qaraýy tıis.
