Qostanaılyq stýdent týǵan kúninde alǵashqy saılaýynda daýys berdi

QOSTANAI.QazAqparat – Ahmet Baıtursynuly atyndaǵy Qostanaı óńirlik ýnıversıtetiniń 1-kýrs stýdenti Almas Ómirtaı týǵan kúninde saılaýǵa qatysyp, tańdaý jasady, dep habarlaıdy QazAqparat.

Búgin Qazaqstan azamattary tańǵy 07:00-den bastap kezekti QR Parlamenti Májilisiniń jáne barlyq deńgeıdegi máslıhat depýtattaryn saılaýǵa daýys berýde.

Qostanaı oblysynda saılaýshylardyń arasynda jastardyń belsendiligi baıqalady.

Solardyń qatarynda A.Baıtursynov atyndaǵy Qostanaı óńirlik ýnıversıteti «Jýrnalıstıka» mamandyǵynyń 1-kýrs stýdenti Almas Ómirtaı da bar.

Búgin Almas 18 jasqa tolyp, alǵash ret saılaýǵa qatysyp otyr.

«Qostanaı qalasynyń №115 mektebinde ornalasqan №20 saılaý ýchaskesinde tańdaýymdy jasadym. Eldegi koronavırýs pandemııasyna qaramastan ár azamat eldiń bolashaǵy úshin saılaý ýchaskelerine kelýi tıis. Sebebi árqaısymyzdyń tańdaýymyz – eldiń erteńi. Men durys tańdaý jasadym dep oılaımyn. Buǵan qosa týǵan kúnime dóp kelgen osy Parlament saılaýy meniń esimdi máńgi saqtalady. Árıne, bastapqyda qobaljý boldy, keıin jaýapkershilikti sezinip, mańyzdy qadam jasadym», - deıdi stýdent.