Qostanaılyq sportshy Grekııada álem chempıony atandy
QOSTANAI. QazAqparat - Grekııada sambodan ótken álem chempıonatynda rýdnyılyq Anatolıı Veklıchtiń qorjyny altynmen tolyqty, dep habarlaıdy QazAqparat tilshisi.
Veklıch - rekordshy. Ol byltyr Horvatııada ótken álem chempıonatynda ártúrli salmaq dárejesi boıynsha 45 medal jıyntyǵyn ıemdengen. Osydan eki apta buryn Italııanyń Olbııa qalasynda dzıýdo sheberleri arasynda ótken álem chempıonatynan da júldeli oraldy.
Gretsııadaǵy jarys 20 qazanda bastalǵan bolatyn. Jasy 60-tan sportshylar arasynda, 90 keli salmaq dárejesinde A.Velıch qarsylas shydatpady. Fınalda reseılik, tórt dúrkin álem chempıony Gennadıı Fedotovtyń jaýyrynyn jer ıisketti. Bul jeńisi oǵan «altyn» alqa men «Halyqaralyq dárejedegi sport sheberi» ataǵyn alyp berdi.
Jerlesimizdiń júldesin eseptemegende, Qazaqstan quramasynyń qorjynynda taǵy úsh altyn medal bolǵanyn aıta ketý kerek. Bozkilem básekesiniń birneshe túrin - erkin kúres, grek-rım, dzıýdo jekpe-jekterin meńgergen ardager óziniń kásibı mansabyndaǵy 18-shi altyn medalin ıelenip otyr.
