Qostanaılyq sheneýnik alǵan parasynyń 30 eselengen somasyn tóleıdi

NUR-SULTAN. QazAqparat - Qostanaı oblysy Fedorov aýdany ákiminiń orynbasaryna para alǵany úshin jaza taǵaıyndaldy. Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttigi baspasóz qyzmetinen málim etti, dep habarlaıdy QazAqparat tilshisi.
None
None

«Sybaılas jemqorlyqqa qarsy is-qımyl ulttyq bıýrosynyń Qostanaı oblysy boıynsha departamenti Qostanaı oblysy Fedorov aýdany ákiminiń orynbasary V. Soshnıkovke qatysty sotqa deıingi tergeýdi aıaqtaǵan bolatyn. Qazirgi tańda atalǵan laýazymdy tulǵaǵa qatysty Qostanaı oblysynyń Fedorov aýdandyq sotynyń úkimi kúshine endi. V. Soshnıkov zańsyz is-áreket úshin para alý faktisi boıynsha kináli dep tanyldy jáne paranyń 30 eselegen somasy kólemindegi 4,5 mln teńge soma aıyppul salyndy», - delingen Agenttik málimetinde.

Atap aıtqanda, ol memlekettik qyzmette, sýdıa qyzmetin, jergilikti ózin-ózi basqarý organdarynda, QR Ulttyq Bankinde jáne onyń vedomstvolarynda, memlekettik uıymdarda jáne jarǵylyq kapıtalynda memleket úlesi 50 paıyzdan asatyn uıymdarda, sondaı-aq ulttyq kompanııalarda ári holdıngterde laýazymdardy atqarý quqyǵynan ómir boıyna aıyryldy.

Budan buryn aýdany ákiminiń orynbasaryna qatysty sotqa deıingi tergeý júrip jatqanyn habarlaǵan bolatynbyz.

Сейчас читают