Qostanaılyq sheneýnik aktige qol qoıý úshin 2 mln teńge para alǵan
«Sońǵy 2 aptada Qostanaı oblysynda birqatar sybaılas jemqorlyq faktileri anyqtaldy. Buryn biz atap ótkendeı, bıylǵy 8 aıdyń qorytyndysy boıynsha Ulttyq bıýromen Qostanaı oblysynda 109 sybaılas jemqorlyq qylmystary tirkeldi. Bul oblys uqsas quqyq buzýshylyqtardyń eń kóp sany tirkelgen úshtiktiń qataryna kiredi», - dep toqtaldy resmı ókil Astanada ótken brıfıngte.
Onyń sózine qaraǵanda, «Qostanaı oblysynyń memlekettik arhıvi» memlekettik mekemesi dırektorynyń orynbasary paraqorlyq qylmysy boıynsha kúdikke ilindi. 2018 jylǵy maýsym aıynda memlekettik mekeme bir jaýapkershiligi shekteýli seriktestikpen 55 mln teńge somadaǵy 6 planetarlyq skanerlerdi satyp alý boıynsha memlekettik satyp alýlar týraly kelisimshart jasaǵandyǵy anyqtaldy. Jedel-izdestirý sharalaryn júrgizý nátıjesimen memlekettik mekeme basshysynyń orynbasarymen jetkizilgen taýar úshin tólem jasaý barysynda jalpy qamqorlyǵy úshin 300 000 teńgeni alý faktisi tirkeldi. Belgili bolǵandaı, jetkizilgen planetarlyq skanerlerdiń tehnıkalyq sıpattamaǵa sáıkes kelmeý faktisi anyqtalǵan.
Budan bólek, bıylǵy qyrkúıek aıynyń sońynda Ulttyq bıýro Qostanaı oblysy boıynsha departamentimen «Qostanaı oblystyq ákimdiginiń jolaýshylar kóligi jáne avtomobıl joldary basqarmasy» memlekettik mekemesiniń tehnıkalyq qadaǵalaý bóliminiń basshysy qylmys ústinde ustaldy. Ol uzaqtyǵy 71 kılometr «Qostanaı aýdanyndaǵy oblystyq mańyzy bar avtomobıl joldaryn aǵymdaǵy jóndeý» nysany boıynsha atqarylǵan jumystar aktisine qol qoıý úshin bir JShS dırektorynan deldal arqyly 2 mln 950 myń teńge para alǵandyǵy úshin kúdikke ilindi.
Munymen qosa, Veterınarııalyq baqylaý jáne qadaǵalaý komıtetiniń Qostanaı qalalyq aýmaqtyq ınspektsııasynyń basshysy tarapynan quqyqqa qaıshy áreketter anyqtaldy. Memlekettik mekeme basshysy aýylsharýashylyq ónimderin eksport jáne ımportteýmen aınalysatyn kásipkerlerdiń múddelerin lobbılendirý boıynsha kúdiktelýde.
«Ol kásipkerlerge ruqsat berý qujattary men sáıkestik sertıfıkattaryn zańsyz rásimdegen. Laýazymdyq ókilettikterdi teris paıdalaný faktisi boıynsha sotqa deıingi tergeý júrgizilýde»,- dedi J. Bastarova.