Qostanaılyq Reseıden alǵan qymbat kóligine jalǵan qujat jasaǵan
QOSTANAI. QazAqparat - Uıymdasqan qylmysqa qarsy kúres basqarmasy QR UQK shekarashylarymen birigip jalǵan qujattarmen kólik júrgizgen qostanaılyqty ustady, dep habarlaıdy QazAqparat oblystyq ІІD baspasóz qyzmetine silteme jasap.
Tártip saqshylary zań buzýshyny Aıat keden beketinde ustady.
«Kúdikti «Mercedes-Benz» avtomobılin jaqynda Chelıabiden satyp alǵanyn aıtqan. Alaıda, turǵyndy tergeý barysynda onyń jalǵan qujat jasaǵany anyqtaldy. Sebebi satý-satyp alý sharty kóliktiń atalǵan azamatqa tıesili ekenin rastamady», - delingen oblystyq ІІD baspasóz habarlamasynda.
Júrgizýshige qatysty QR QK 385-baby boıynsha sotqa deıingi tergeý sharalary júrgizilýde.
