Qostanaılyq polıtseıler jolda júregi ustap qalǵan áıeldi qutqardy
QOSTANAI. QazAqparat - Qostanaı oblystyq ІІD qyzmetkerleri Sársenbaı Nurmaǵambetov pen Ybyraı Rahymǵalıev jol ústinde júrek talmasy ustap qalǵan áıelge shuǵyl túrde kómek kórsetti, dep habarlaıdy QazAqparat tilshisi Qostanaı oblystyq Іshki ister departamentiniń baspasóz qyzmetine silteme jasap.
Oqıǵa Altynsarın aýdanynyń Zýev aýylyna jaqyn tusta boldy. Oblystyq ІІD qyzmetkerleri Sársenbaı Nurmaǵambetov pen Ybyraı Rahymǵalıev «Qostanaı-Altynsarın» tasjolynyń jıeginde turǵan avtokólikti baıqaǵan.
«Avtokólik júrgizýshisi Denıs Tarasov ózimen kele jatqan 53 jastaǵy anasynyń júrek talmasy ustaǵanyn habarlady. Tártip saqshylary áıelge jedel medıtsınalyq járdem kórsetilýi úshin dabyl belgisin qosyp, Denıs Tarasovtyń kóligimen ilesip júrgen. Buǵan qosa jedel járdem qyzmetine habar bergen. Polıtseılerdiń sózinshe, kólik aqyryn júrgende naýqastyń jaǵdaıy nasharlap ketýi múmkin edi», - delingen ІІD baspasóz habarlamasynda.
Naýqas áıel birden aýrýhanaǵa jetkizilip, medıtsınalyq kómek kórsetildi. Denıs Tarasov qıyn sátte kómekke kelgen polıtseılerge alǵysyn bildirdi.
«Batalon qyzmetkerleri men dárigerlerge myń alǵys! Olar bolmaǵanda anamnyń jaǵdaıy qıyndap keter edi», - deıdi D.Tarasov.
