Qostanaılyq polıtseıler joǵalyp ketken bir úıir jylqyny ıesine qaıtardy

QOSTANAI. QazAqparat – Qostanaı oblysynda polıtseıler joǵalyp ketken bir úıir jylqyny ıesine qaıtardy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Denısov aýdanynyń 45 jastaǵy turǵyny 42 bas jylqysynyń joǵalyp ketkenin aıtyp, polıtsııaǵa aryz jazǵan.

«Jylqylardy izdeý úshin aýdandyq polıtsııa bólimi bastyǵynyń mindetin atqarýshy Sergeı Olgarenkonyń nusqaýy boıynsha jedel-tergeý toptary quryldy. Osy fakti boıynsha ártúrli nusqalar, sonyń ishinde mal urlyǵy pysyqtaldy. Aýa-raıynyń kúrt nasharlaýy izdeý jumystaryn qıyndatty. Degenmen, polıtsııa qyzmetkerleriniń qajyrly jumysy nátıje berdi. Polıtsııa maıory Rýslan Kýjenov, jedel ýákil, polıtsııa kapıtany Ashat Jańabaev jáne ıývenaldy polıtsııa ýchaskelik tobynyń polıtsııa leıtenanty Serik Sıdalınov jylqylardy tapty» delingen polıtsııa aqparatynda.

Osylaısha, joǵalyp ketken bir úıir jylqy ıesine qaıtaryldy. Túlik ıesi tártip saqshylaryn alǵys aıtty.