Qostanaılyq polıtseıler joǵalyp ketken 80 jylqyny ıesine qaıtardy
QOSTANAI. QazAqparat - Tártip saqshylary joǵalyp ketken úıir jylqylardy tapty, dep habarlaıdy QazAqparat.
21 qyrkúıek kúni Uzynkól aýdany Mıhaılov aýylynda 80 bas jylqy belgisiz baǵytta ketip qalǵan. Uzynkól polıtseıleri joǵalǵan tabyndy Uzynkól aýdanynyń Kýıbyshev aýyldyq okrýginiń aýmaǵynan tapqan.
Polıtsııa qyzmetkerleri jylqylardy baqtashysyz jaılyp júrgenin baıqap, ıesi anyqtalǵanǵa deıin saqtaý sharalaryn qoldandy. Jylqylardy izdeý úshin oblysqa qarasty ózge de aýdandyq polıtsııa bólimderi qosyldy.
«Qostanaı oblysy polıtsııa departamenti bastyǵynyń atyna Meńdiqara aýdanynyń «Vostok 1» kásiporny basshylyǵynan alǵys hat kelip tústi. Olar Uzynkól polıtsııa bóliminiń bastyǵy M.Eralıevke, orynbasary K. Shabdenovke, OKP bastyǵy ıÝ. Borozdınge, jedel ýákil B. Kýrleýtovqa, Novopokrov aýyldyq okrýginiń ýchaskelik ınspektory A. Dáýletovke alǵys aıtady. Jylqy úıiri ıelerine qaıtaryldy»,-deıdi oblystyq polıtsııa departamenti baspasóz qyzmetindegiler.
