Qostanaılyq polıtseıler janyp jatqan úıden zeınetkerlerdi qutqaryp qaldy
QOSTANAI. QazAqparat – Sarykól aýdanynyń tártip saqshylary zeınetkerlerdi órtten aman alyp qaldy, dep habarlaıdy QazAqparat.
Oqıǵa 18 shilde kúni Sarykól aýylynda bolǵan. Aýdandyq polıtsııa bóliminiń qyzmetkerleri Aleksandr Ilıashov pen polıtsııa maıory Ánýar Omarov avtopatrýldeý barysynda Táýelsizdik kóshesi boıyndaǵy jeke sektorda órt shyqqanyn baıqaıdy. Tártip saqshylary bul týraly polıtsııa bóliminiń kezekshisine jáne órt sóndirý bólimine habarlaǵan. Sodan keıin polıtsııa qyzmetkerleri tez arada jer úıge bet alady, bul kezde sharýashylyq qurylystary órtenip, tútin aýla men kórshi úılerdi taraǵan.
«Polıtsııa qyzmetkerleri úıge kirip, esinen tanyp qalǵan 68 jastaǵy Vladımır Chırkovty kórgen. Zeınetkerdi dalaǵa shyǵaryp, alǵashqy medıtsınalyq kómek kórsetti. Keıin jedel járdem mashınasymen qart kisini Sarykól aýdanynyń ortalyq aýrýhanasyna jetkizdi. Sondaı-aq, tártip saqshylary úıden 76 jastaǵy úı ıesi Galına Zımenkony da aman alyp shyqty», - deıdi oblystyq polıtsııa departamenti baspasóz qyzmetiniń mamany Kenje Qonysbaı.
Aldyn ala málemetter boıynsha órt qurǵaq shóptiń janýynan shyqqan. Óz kezeginde jergilikti turǵyndar jedeldik pen batyldyq tanytqan polıtseılerge rızashylyq bildirip, Qostanaı oblysy polıtsııa departamentiniń bastyǵy Beket Aımaǵambetovke alǵys hat joldady.
