Qostanaılyq polıtseıler jaǵajaıdaǵy kólikten marıhýana tárkiledi
ASTANA. QazAqparat - Qostanaılyq polıtseıler jaǵajaıdan marıhýana tapty. Demalýshylardyń biri esirtkini plastıkalyq bótelkege salǵan, dep habarlaıdy QazAqparat.
22 tamyz kúni saǵat on birler shamasynda qalalyq jaǵajaı aýmaǵyn patrýldeýge shyqqan tártip saqshylary «VAZ-2110» kóligin tekseredi. Tintý barysynda polıtseıler kóliktiń artqy oryndyǵynan tsellofanǵa oranǵan jasyl tústi ósimdik túıinshegin jáne plastıkalyq bótelke taýyp alady. Anyqtalǵandaı, plastıkalyq bótelkeniń ishinde marıhýana bolǵan. Kólik ishindegi úsh adamǵa qatysty is qozǵaldy. Qazirgi ýaqytta sottyq-hımııalyq saraptama taǵaıyndaldy. «Esirtiki zatyn zańsyz saqtaý» boıynsha sotqa deıingi tergeý sharalary júrgizilýde.
