Qostanaılyq polıtseıler úı karantınindegi adamdardy baqylaýǵa alady
Qostanaı oblysynyń bas dárigeri sanıtar Vladımır Nechıtaılo karantın kezindegi sharalar jáne ýaqytsha shekteýler týraly qaýlysyn tolyqtyrdy. Demalys kúnderi iri saýda obektileriniń, saýna, qoǵamdyq monshalardyń jumys isteýine shekteý qoıylady. Sonymen qatar Polıtsııa departamenti turǵyn úı sektoryn, bazarlardy, saýda obektilerin, saıabaqtardy, skverlerdi, aýlaishilik balalar oıyn alańdary men sport alańdaryna tekserý júrgizedi.
«Polıtseıler qoǵamdyq kólikte maska rejımin jáne áleýmettik qashyqtyqty saqtaýdy qadaǵalaıdy. Ýchaskelik ınspektorlar otbasylyq, ujymdyq jáne ózge de buqaralyq is-sharalardy (úılený toılary, eske alý jáne t. b.) anyqtap, materıaldardy rásimdeıdi. Keıin halyqtyń sanıtarııalyq-epıdemıologııalyq salamattylyǵy salasyndaǵy ýákiletti organdarǵa bere otyryp, sheshim shyǵarady. Buǵan qosa polıtseılerge úı karantınindegi adamdardy baqylaý júkteldi. Qazaqstan Respýblıkasynyń qoldanystaǵy zańnamasyna sáıkes shekteýler men talaptar rejımin buzǵan adamdarǵa sharalar qabyldaýdy qamtamasyz etsin», delingen qaýlyda.
