Qostanaılyq polıtseıler turǵyndardan qarý satyp alýǵa 3 mln teńge jumsady
QOSTANAI. QazAqparat - Qostanaı oblysynyń polıtsııa departamenti turǵyndardan 65 dana qarý satyp aldy, dep habarlaıdy QazAqparat vedomstvonyń baspasóz qyzmetine silteme jasap.
2019 jyldyń 10 sáýirinen bastap polıtsııa departamenti oblys turǵyndarynan atys qarýyn, oq-dári jáne jarylǵysh zattardy satyp alýdy bastady. Aktsııa erejesi boıynsha, qarý qabyldaý árbir aýmaqtyq polıtsııa organdary bólinisterinde júrgiziledi. Búginge deıin óz erkimen qarý tapsyrý jóninde 50 ótinish túsken.
«Turǵyndardan 65 dana qarý satyp alyndy. Onyń ishinde 3 kesik, 5 tegis uńǵyly myltyq bolsa, 54-i - oq-dáriler. Aktsııany ótkizý úshin respýblıkalyq bıýdjetten bizdiń oblysqa 3 mln 225 myń teńge bólindi. Jalpy el boıynsha 11 mln 168 myń teńge qarastyrylǵan. Oblysta qarýdy satyp alýǵa bólingen qarajat tolyǵymen ıgerildi»,- delingen polıtsııa departamentiniń baspasóz habarlamasynda.
Sonymen qatar, tirkelmegen atys qarýyn, oq-dári jáne jarylǵysh zattardy óz erkimen tapsyrǵan tulǵalar qylmystyq jáne ákimshilik jaýapkershilikten bosatylady. Vedomstvodan málim etkendeı, óz erkimen qarý tapsyrǵan adamdar árbir qarý-jaraq nemese oq-dári úshin 10-nan 100 AEK deıin aqshalaı syıaqy aldy.
