Qostanaılyq polıtseıler turǵyndardan qarý satyp alady
QOSTANAI. QazAqparat - Qostanaılyq tártip saqshylary óz erkimen qarý tapsyrǵan turǵyndarǵa syıaqy taǵaıyndady, dep habarlaıdy QazAqparat Qostanaı qalasy ishki ister basqarmasyna silteme jasap.
«2019 jyldyń 10 sáýirinen bastap, polıtsııa departamenti oblys turǵyndarynan atys qarýyn, oq-dári jáne jarylǵysh zattardy satyp alýdy bastaıdy. Aktsııa erejesi boıynsha, qarý qabyldaý árbir aýmaqtyq polıtsııa organdary bólinisterinde júrgiziletin bolady. Sonymen qatar, tirkelmegen atys qarýyn, oq-dári jáne jarylǵysh zattardy óz erkimen tapsyrǵan túlǵalar qylmystyq jáne ákimshilik jaýapkershilikten bosatylady», - delingen ishki ister basqarmasy taratqan baspasóz habarlamasynda.
Vedomstvoda málim etilgendeı, óz erkimen qarý tapsyrǵan adamdar árbir qarý-jaraq nemese oq-dári úshin 10-nan 100 AEK deıin aqshalaı syıaqy alady.
Polıtsııa turǵyndardy aktsııaǵa belsene qatysýǵa shaqyrady.
