Qostanaılyq polıtseıler reseılik áriptesterimen birigip qylmystardy ashpaq
QOSTANAI. QazAqparat – Jitiqara qalasynda Qostanaı oblysy Polıtsııa departamenti basshylary men RF Orynbor oblysy ishki ister mınıstrligi ókilderiniń kezdesýi ótti, dep habarlaıdy QazAqparat.
Kezdesýde ekijaqty áriptestik máseleleri talqylandy. Máselen, avtokólik urlyǵy, mal urlyǵy, shetel azamattarynyń kelýi, esirtki jáne psıhotropty zattardyń zańsyz aınalymy sııaqty qylmystardy ashý kezinde birigip qımyldaý jaıy aıtyldy.
Oblystyq polıtsııa departamenti delegatsııasyn basqarǵan shtab-basqarma bastyǵy Meıram Kajkenovtiń aıtýynsha, mundaı áriptestik jedel ári júıeli qyzmet etýge yqpal etedi. RF ІІM ókili, polıtsııa polkovnıgi Sergeı Kaımashnıkov halyqaralyq yntymaqtastyqty qoldaıtynyn atap ótti.
Kezdesý nátıjesinde eki tarap uıymdasqan qylmysqa qarsy kúreste jańa tásilderdi ıgerý týraly ýaǵdalastyqqa keldi.
