Qostanaılyq polıtseıler Reseıde izdeýde júrgen qylmyskerdi ustady
QOSTANAI. QazAqparat - Qostanaı oblysy ІІD jol-patrýldik polıtsııasynyń qyzmetkerleri RF Ekaterınbýrg qalasynda qylmys jasaǵandardy ustady, dep habarlaıdy QazAqparat tilshisi.
ІІD-niń baspasóz qyzmeti málimdegendeı, aǵa serjant Danııar Asylhan men serjant Janat Qulmanov Qostanaı-Áýlıekól avtojolynyń 65 shaqyrymynda jyldamdyqty shekten tys asyrǵan «Folksvagen» avtokóligin toqtatqan.
«Kólik ishinde RF Sverdlov oblysynyń Ekaterınbýrg qalasynda qylmys jasaǵan qazaqstandyq bolǵan. Tekserý kezinde aq tústi untaq salynǵan tsellofan paket, aıryqsha ıisi bar, ósimdik tektes esirtki zaty oralǵan túıinshek tárkilendi. Oqıǵa ornyna Áýlıekól aýdandyq ІІB jedel-iz kesý tobynyń qyzmetkerleri shaqyryldy», - dedi ІІD baspasóz hatshysy Irına Bejenar.
Belgili bolǵandaı, qylmyskerdiń qaltasynda 2016 jyly Qostanaı qalasynan urlanǵan «iPhone 5» markaly telefony bolǵan. Osy iske qatysty tergeý sharalary bastaldy.
