Qostanaılyq polıtseıler órtenip jatqan úıden er adamdy qutqardy

QOSTANAI. QazAqparat - Taran aýdanynyń polıtseıleri órtenip jatqan úı ishinen er adamdy qutqardy, dep habarlaıdy QazAqparat oblystyq polıtsııa departamentiniń baspasóz qyzmeti mamany Sáýle Núrpeıisovaǵa silteme jasap.

Taran aýdandyq polıtsııa bóliminiń aǵa serjanttary Nurbolat Tileýbergenov pen Rýslan Muqanov Tobyl aýylyndaǵy úılerdiń birinen tútin shyǵyp jatqanyn kóredi.

«Polıtseıler oqıǵa ornyna jetkenshe úı shatyry otqa oranǵan. Aǵa serjant Tileýbergenov terezeden qarap, ishte er adamnyń jatqanyn kóredi. Ol terezeni syndyryp, úı ishindegi barlyq bólmeni tekserip shyqty. Tileýbergenov pen Muqanov es-tússiz jatqan er adamdy syrtqa shyǵaryp, alǵashqy medıtsınalyq kómek kórsetti. Keıin aýdandyq ortalyq aýrýhanaǵa jetkizildi», - dedi Sáýle Núrpeıisova.

Osylaısha, tártip saqshylary aýyl turǵyny Ivan Tıhohodty úı órtinen qutqardy.

Taran aýdandyq órt qyzmetiniń qorytyndysy boıynsha, úı órti otty abaısyz paıdalanýdan shyqqan.