Qostanaılyq polıtseıler órtenip jatqan úıden 7 adamdy alyp shyqty
QOSTANAI. QazAqparat – Qostanaı oblysynyń polıtseıleri órtenip jatqan úıden birneshe adamdy qutqardy, dep habarlaıdy QazAqparat oblystyq polıtsııa departamenti baspasóz qyzmetine silteme jasap.
Oqıǵa Qostanaı aýdanynyń Mıchýrın selosynda bolǵan. Aýdan polıtseıleri shaqyrtý túsken jerge bara jatyp, Sadovaıa kóshesindegi úıdiń órtenip jatqanyn baıqap qalǵan. Tártip saqshylary birden órt shyqqan úıge kelgen.
«Úıdiń shatyry órtengenin kórdik. Órt dálizge taralyp, tereze jaqtaýyna deıin sharpydy. Úı ishinen shyǵa almaı jatqan adamdarǵa kómektestik. 6 eresek adam men, 1 sábıdi syrtqa alyp shyǵyp, órt sóndirýshilerdi shaqyrdyq», - deıdi Temirlan Baıbolov.
Tártip saqshylary Sarjan Tórehanov, Bolat Orazov jáne Rýslan Serdıýk órt sóndirýshilerge de járdem bergen . Keıin anyqtalǵandaı, órt dálizdegi peshten shyqqan.
Úı ıesi ıÝrıı Popovskıı órtten aman alyp qalǵan polıtseılerge alǵys bildirdi.
