Qostanaılyq polıtseıler kópirden sekirip ketpek bolǵan qyzdy qutqaryp qaldy
QOSTANAI. QazAqparat - Qostanaılyq tártip saqshylary kópirden sekirip ketpek bolǵan qyzdy qutqaryp qaldy, dep habarlaıdy QazAqparat oblystyq ІІD baspasóz qyzmetine silteme jasap.
Oblystyq ІІD jol-patrýldik polıtsııa batalonynyń qyzmetkerleri Nurlan Qazyǵurtov pen Іlııas Qazbaev oblys ortalyǵyndaǵy Úlken kópir ústimen ótip bara jatyp, kópir taıanyshynda turǵan qyzdy kóredi.
«Polıtseıler qyzǵa bildirtpeı, birden onyń qolynan ustap aldy. Qyz kópirden sekirip kete almady. Ol qalalyq ishki ister bólimine jetkizildi», - dedi oblystyq ІІD baspasóz hatshysy Irına Bejenar.
Jábirlenýshiniń jasy - 34-te. Onyń óz-ózine qol salýǵa oqtalýyna ne sebep bolǵanyn tergeý sharalary anyqtaıdy.
