Qostanaılyq polıtseıler qoǵam ókilderiniń aldynda synaq tapsyrady
QOSTANAI. QazAqparat – Qostanaı oblysynyń polıtseıleri qoǵam ókilderiniń aldynda attestattaýdan ótedi, dep habarlaıdy QazAqparat tilshisi.
Bul bastamany Qostanaı oblysy boıynsha Sybaılas jemqorlyqqa qarsy qyzmettiń arnaıy monıtorıng tobynyń músheleri kóterip, polıtseılerge usyndy. Tártip saqshylary jaýyngerlik qarýdy qoldaný, dene shynyqtyrý, quqyq qorǵaý qyzmeti týraly zańnyń negizgi normalary men qaǵıdalary boıynsha synaqty qoǵam ókilderiniń aldynda tapsyrady. Olardyń arasynda úkimettik emes uıymdardyń ókilderi men táýelsiz sarapshylar bar.
«Quqyq qorǵaý organdarynyń qyzmetkerlerin attestattaý protsesine qatysý osy rásimderdiń ashyqtyǵyn qamtamasyz etýge múmkindik beredi. Tártip saqshylarynyń daıyndyǵy júıeli ári myǵym bolýy tıis. Biz tek soǵan kóz jetkizimiz keledi», - deıdi Sybaılas jemqorlyqqa qarsy qyzmettiń arnaıy monıtorıng tobynyń múshesi Aldan Menkeev.
Polıtsııa qyzmetkerlerin attestattaý kezeńi 2020 jyldyń sáýir, mamyr aılaryna belgilengen.
