Qostanaılyq polıtseıler qaza tapqan áriptesterin eske alý qurmetine 2 shaqyrym júgirdi
ASTANA. QazAqparat - Ótken senbide Qostanaı aýdany Zatobolsk kentinde polıtsııa qyzmetkerleri men oblystyń kásipqoı jeńil atletshileri qatysqan 2400 metrge «Prezıdenttik mıl» jappaı júgirýi ótti.
Start alý Qostanaı aýdandyq ishki ister bóliminiń ǵımaraty aldynan bastaldy. Onyń ashylýyna Qostanaı oblystyq ІІD bastyǵynyń orynbasary polıtsııa polkovnıgi Mereke Álshaǵyrov qatysty. Ol «Prezıdenttik mıl» aıasyndaǵy jappaı júgirý Qostanaı aýdany turǵyndarynyń ary qaraı belsendilik tanytýyna úlgi bolyp, olardyń salaýatty ómir saltyn ustanýyna óz septigin tıgizetinin atap ótti.
Júgirýdi Qostanaı oblystyq «Dınamo» keńesi tóraǵasynyń birinshi orynbasary, otstavkadaǵy polkovnık Vıktor Chernıavskıı bastap berdi.
Birinshi bolyp máre syzyǵyn kásipqoı sportshy Aleksandr Savgýrov attady. Kóshbasshylar úshtigin onyń ákesi, 59 jastaǵy sport ardageri Sergeı Polıkarpov tuıyqtady. Onyń nátıjesi 6 mınýt 13 sekýnd.
Ekinshi júgirýge 36 jasqa deıingi polıtseıler qatysty. Márege Meńdiqara AІІB polıtsııa serjanty Erlan Seıitov birinshi bolyp keldi. Onyń ýaqyty 6 mınýt 15 sekýnd.
Júgirýde birinshi oryndy Meńdiqara AІІB komandasy, ekinshi oryndy - Qostanaı AІІB jáne úshinshi oryndy Fedorov AІІB komandasy ıelendi.
Júgirýge kelgen qonaqtar arasynda 70 jastan asqan qarttar tobynda birinshi oryndy Arkadıı Denısov, 50-60 jastaǵy toptan birinshi oryndy Rımma Voevodına men Sergeı Polıkarpov aldy. 40-49 jas arasyndaǵy toptan Andreı Chıgıjınov, al 30-39 jas arasyndaǵy toptan Aleksandr Savgýrov top jardy. 
