Qostanaılyq polıtseıler iz-túzsiz joǵalǵan zeınetkerdi tapty
QOSTANAI. QazAqparat - Qostanaı qalasynyń polıtsııa qyzmetkerleri iz-túzsiz joǵalǵan er adamdy taýyp, úıine jetkizdi, dep habarlaıdy QazAqparat.
Oblystyq polıtsııa departamentiniń baspasóz qyzmeti málimdegendeı, 64 jastaǵy er adam úıinen qalanyń soltústik aýdanyna qaraı shyǵyp ketken. Úıine oralmaǵan soń, týǵan-týystary birden polıtsııaǵa habar berdi.
«Qostanaı oblysy polıtsııa departamenti garnızonynyń jeke quramy tez arada egde adamdy izdestirý jumystaryna jumyldyryldy. Qaraýyldaý kezinde polıtseıler Murat Imambaev pen Samrat Tólendi Qostanaı-2 dúkeniniń janynda júrgen er adamdy baıqady. Tártip saqshylary er adamǵa jaqyndap, joǵalǵan zeınetker ekenin anyqtady. Ol óziniń KSK shaǵyn aýdanynda turatynyn ǵana aıtqan. Ol Soltústik polıtsııa bólimine jetkizildi»,- dedi oblystyq polıtsııa departamentiniń baspasóz hatshysy Irına Bejenar.
Keıin anyqtalǵandaı, ol shynymen de izdestirilip jatqan zeınetker bolyp shyqty. Polıtseıler ony úıine alyp keldi.
