Qostanaılyq polıtseıler esirtki saqtaǵan adamdy ustady

QOSTANAI. QazAqparat – Qostanaıda esirtki qylmysyna qarsy kúres basqarmasynyń qyzmetkerleri geroın saqtaǵan 51 jastaǵy kúdiktini ustady, dep habarlaıdy QazAqparat.

Kúdikti Qostanaı qalasyndaǵy Dzerjınskıı kóshesindegi úıinen qolǵa tústi. Ol buǵan deıin de qylmystyq iske tartylǵan.

«Polıtseıler úıi ishindegi plastık qutydan 77,44 gramm geroın tárkiledi. Bul asa iri mólsherdegi esirtki zaty sanalady. Kúdikti esirtkini polımer túıindisine oraǵan», - dedi oblystyq polıtsııa departamenti baspasóz qyzmetiniń mamany Kenje Qonysbaı.

Qazirgi ýaqytta kúdikti qamaýǵa alynyp, tergeý júrgizilýde.