Qostanaılyq polıtseıler esinen tanyp qulaǵan júkti áıeldi qutqaryp qaldy

QOSTANAI. QazAqparat – Rýdnyıda patrýldik polıtseıler aıaldamada esinen tanyp, qulap qalǵan júkti áıelge kómek kórsetti, dep habarlaıdy QazAqparat tilshisi oblystyq Qostanaı oblystyq Polıtsııa departamentiniń baspasóz qyzmetine silteme jasap.

7 tamyzda vzvod komandıri, polıtsııa kapıtany Maqsut Dosybaev pen onyń áriptesi polıtsııa leıtenanty Oljas Batyrhanov Rýdnyıdyń ortalyq kóshelerin patrýldeý kezinde avtobýs aıaldamasynda es-tússiz jatqan áıeldi baıqap qalǵan. Ol jerde jatqan. Kómekke umtylǵan polıtsııa qyzmetkerleri onyń júktiliktiń úlken merziminde ekenin baıqaǵan.

«Biz jedel járdem shaqyrdyq, biraq tezirek kómek kórsetý kerek boldy. Mundaı jaǵdaıda eki adamnyń ómirine qaýip tónip turǵany belgili. Sondyqtan ony perzenthanaǵa deıin jetkizý kerek boldy. Jolda kezekshilik bólimimen baılanysyp, onyń aýrýhanaǵa jetkiziletinin habarladyq», - dedi Maqsut Dosybaev.

Rýdnyı qalasynyń turǵyny aýrýhanaǵa jetkizilip, oǵan qajetti medıtsınalyq kómek kórsetildi. Dárigerlerdiń aıtýynsha, ol kúnniń ystyǵyna baılanysty esinen tanyp qalǵan. 36 jastaǵy Indıra Ámreeva polıtseılerge kómek kórsetkeni, eń aldymen, balasyn qutqaryp qalǵandary úshin alǵys aıtty.

Avtory: Janna Musabaeva