Qostanaılyq polıtseıler esinen tanyp qalǵan jigitti qutqardy
QOSTANAI. QazAqparat – Polıtseıler esinen tanyp qalǵan azamatqa der kezinde kómek kórsetti, dep habarlaıdy QazAqparat oblystyq PD baspasóz qyzmetine silteme jasap.
Vedomstvo málimetinshe, Qostanaı aýdany polıtsııa bóliminiń bastyǵy Muhtar Jaılaýbekovtiń atyna jergilikti turǵyn Natalıa Zemnıtskaıadan alǵys hat kelip tústi.
«Ol óz hatynda Qostanaı aýdanynyń patrýldik polıtsııa bólimshesiniń qyzmetkerleri polıtsııa serjanty Saıat Shynbergen men aǵa polıtsııa serjanty Asqar Tájınge onyń aǵasyn aman alyp qalǵany úshin alǵysyn bildirdi. 8 tamyzda onyń aǵasy Anton Keller kóshede ózin jaısyz sezinip, esinen aıyrylyp qalǵan. Qaryndasy jedel járdem men polıtsııa shaqyrǵan. Birinshi bolyp polıtsııa qyzmetkerleri kelip, Antondy aýdandyq aýrýhanaǵa jetkizgen», - deıdi polıtsııanyń baspasóz qyzmetindegiler.
Osylaısha, der kezinde kórsetilgen medıtsınalyq kómektiń arqasynda tártip saqshylary A. Kellerdi aman saqtap qaldy. Jumysyna adaldyq tanytqan qyzmetkerlerge alǵys jarııalandy.
