Qostanaılyq polıtseıler bala urlyǵy týraly aqparatty rastamady
QOSTANAI. QazAqparat - Qostanaı oblysy ІІD messendjerde jarııalanǵan bala urlyǵy týraly aqparatty rastaǵan joq, dep habarlaıdy, dep habarlaıdy QazAqparat.
Búgin Qamysty aýdanynda WhatsApp qosymshasy arqyly jasóspirimniń urlanǵany týraly aýdıohabarlama taraǵan bolatyn. Oblystyq ІІD atalǵan iske qatysty málimdeme jasady.
«Aýdıohabarlamada aýyl ishinde belgisiz avtokóliktiń júrgeni, eki er adam men áıeldiń jasóspirimge birge qydyrýǵa usynys jasaǵany aıtylady. Jazba avtory bul oqıǵanyń bala urlyǵymen baılanysty ekenin jetkizdi. Qamysty aýdandyq ІІB qyzmetkerleri osy aqparat boıynsha tekseris júrgizip, bala urlyǵyn rastamady», - delingen oblystyq ІІD baspasóz habarlamasynda.
Osyǵan baılanysty oblystyq ІІD tekserilmegen aqparattardy taratpaýǵa keńes beredi.
