Qostanaılyq polıtseıler avtokólik urylaryn toqtatý úshin tapansha qoldandy
QOSTANAI. QazAqparat - Tártip saqshylary avtokólik urylaryn toqtatý úshin tabeldik qarý qoldandy, dep habarlaıdy «QazAqparat» HAA oblystyq ІІD baspasóz qyzmetine silteme jasap.
ІІD-niń baspasóz qyzmeti taratqan habarlamaǵa sáıkes, 21 qańtar kúni Qostanaı qalasy ІІB qyzmetkerderi Jedel qımyldaıtyn arnaıy jasaqpen birigip «BMW» urlaǵan kúdiktilerdi ustady.
«Tańǵy saǵat 05:00 shamasynda dızel zaýyty mańynda «BMW» kóliginiń qatty jyldamdyqpen ketip bara jatqan týraly habar aldyq. Kólik júrgizýshisi polıtseılerdiń nusqaýyna baǵynbaı, qashyp ketken» , - dep habarlady ІІD polıtsııa leıtenanty Maqsat Bákirjan.
Munan soń tártip saqshylary kúdiktilerdiń sońyna túsken. Qostanaı-2 shaǵyn aýdany mańyndaǵy Jýkovskıı-Belınskıı kósheleriniń qıylysynda «BMW» jol jıegine shyǵyp, aýdarylyp ketken. Degenmen, kúdiktiler kólikten shyǵyp, jan-jaqqa qasha jónelgen.
«Osydan soń polıtsııa kishi serjanty Eleshanov zańǵa sáıkes, tabeldik qarý qoldandy. Ol dabyl berý maqsatynda tapanshamen aspanǵa bir ret oq atty. Munan soń polıtseıler sambo ádisin qoldanyp, buzaqylardy ustady», - delingen ІІD-niń habarlamasynda.
Belgili bolǵandaı, olar Avıatsıonnaıa kóshesindegi TQS mańynan «BMW» kóligin urlap ketken. Olardyń jasy - 18-de. Qazirgi ýaqytta QR QK 200-baby, 2-bóligimen sotqa deıingi tergeý sharalary júrgizilýde. Kúdiktiler kinálaryn moıyndady.
