Qostanaılyq polıtseıler avtobýstardy tekserip jatyr
QOSTANAI. QazAqparat - Qostanaıda 22 qańtar men 18 aqpan aralyǵynda jolaýshylar jáne júk tasymaldaıtyń avtobýstar tekseriledi, dep habarlaıdy QazAqparat jergilikti polıtsııa qyzmetiniń bastyǵy Nyǵmet Ysmaǵulovqa silteme jasap.
«Bizdiń qyzmetkerler oblysaralyq, halyqaralyq qatynastaǵy jolaýshylar jáne júk tasymaldaıtyn kólikterdi tekseredi. Árbir reıs aldynda kóliktiń mindetti tehnıkalyq baıqaýdan ótýine, júrgizýshilerdiń eńbek jáne demalys rejimin saqtaýlaryna basa nazar aýdarylady», - dedi Ysmaǵulov.
Qazir búkil Qazaqstan boıynsha «Avtobýs» jedel-profılaktıkalyq sharasy ótip jatyr. Aıta keteıik, jergilikti polıtsııa qyzmeti men kóliktik baqylaý ınspektsııasy birlese jumys isteıdi.
«Jolaýshylar tasymaldaıtyn avtobýstardyń tehnıkalyq aqaýy bolsa, onyń júrýine kelisim berilmeıdi. Sondaı-aq, polıtseıler sheteldik jolaýshylardy tasymaldaýǵa ruqsat beretin qujatty da qaraıdy. Eger tekserý nátıjesinde quqyqbuzýshylyq anyqtalsa, ákimshilik jaza qoldanylady», - dedi tártip saqshysy.
