Qostanaılyq polıtseıler avtobýs jolaýshylaryna maska taratty
QOSTANAI. QazAqparat – Qostanaılyq polıtseıler «Bolshevıchka» fabrıkasynyń qyzmetkerlerimen birge qoǵamdyq kólik jolaýshylary men kóshedegilerge 500 maska taratty, dep habarlaıdy QazAqparat tilshisi.
Qostanaı oblysynda tótenshe jaǵdaılar rejımi alynyp tastalǵanymen karantın sharalary jalǵasýda. Oblystyń bas sanıtarynyń qaýlysy boıynsha, qoǵamdyq kólikterge maskasyz kirýge bolmaıdy. Sol sebepti «Bolshevıchka» tigin fabrıkasy turǵyndarǵa arnap, arnaıy betperdeler tikti. Osylaısha, tártip saqshylary men fabrıka qyzmetkerleri aıaldamalar mańyndaǵy 500 turǵynǵa maska taratty.
«Bul – elimizdiń ǵana emes, búkil álemniń basyna túsken synaq. Osyndaı jaǵdaıda dertpen búkil adamzat balasy birlesip kúresýi tıis. Karantındik shekteýler eń aldymen oblys turǵyndarynyń densaýlyǵy úshin engizilip jatqanyn túsiný qajet. Biz búgin 5 avtobýs aıaldamasyna bardyq. Olardyń arasynda maska rejımin saqtamaǵandar da bar. Sondyqtan turǵyndar jaǵdaıǵa salǵyrt qaramaýlary kerek», - deıdi polıtsııa leıtenanty Dosan Tastaıbaev.
Aıta keteıik, tigin fabrıkasy mundaı aktsııalarǵa únemi qatysyp otyrady. TJ kezinde tiginshiler tártip saqshylaryn arnaıy betperdelermen qamtamasyz etken bolatyn.
