Qostanaılyq polıtseıler 9 keli esirtki tárkiledi
QOSTANAI. QazAqparat - Qostanaılyq tártip saqshylary esirtkige qatysty 84 zańbuzýshylyq faktisin anyqtady, dep habarlaıdy QazAqparat.
Oblystyq ІІD esirtkige qarsy kúres basqarmasynyń qyzmetkerler 1 maýsymnan bastap «Kóknár» tazalyq operatsııasyn júrgizdi. Nátıjesinde esirtkige qatysty 84 zańbuzýshylyq faktisi anyqtaldy.
«Polıtseıler 4 shilde kúni Qostanaı aýdanynda «VAZ-2114» markaly avtokóligin toqtatty. Kólikti tekserý kezinde 2 keli marıhýana tabylyp, 44 jastaǵy qala turǵyny qamaýǵa alyndy. Dál osyndaı fakt Rýdnyı qalasynda tirkeldi. «VAZ-2112» avtokóliginde otyrǵan 22 jastaǵy jolaýshydan 2 gramm geroın tárkilendi. Ol esirtkini temeki qorabynyń ishine jasyrǵan», - dedi oblystyq ІІD baspasóz hatshysy Irına Bejenar.
Búginge deıin «Kóknár» operatsııasy aıasynda 9 keli esirtki zattary tárkilengen. Atalǵan faktiler boıynsha QR QK 296-babymen tergeý sharalary júrgizilip jatyr.
