Qostanaılyq polıtseıler 2 myń turǵynǵa tegin maska taratty
QOSTANAI. QazAqparat - Qostanaılyq polıtseıler koronovırýstyq ınfektsııanyń taralýyna qarsy kúres aıasynda aldyn alý jumystaryn jalǵastyrýda, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Bul joly aktsııa oblystyń tórt qalasynda ótti. Qostanaı, Rýdnyı, Lısakov jáne Jitiqara qalalarynyń 2000 turǵynyna maska taratyldy. Oblystyq PD esirtki qylmysyna qarsy is-qımyl basqarmasynyń qyzmetkeri Leva Kvasenkonyń aıtýynsha, shara aldaǵy ýaqytta jalǵasady. Іs-sharaǵa oblys eriktileri de qatysty.
«Biz azamattardy sýpermarketten, ortalyq saıabaqta jáne kóshelerde qarsy alyp, maskalardy qoldanýdyń mańyzdylyǵy týraly aıtyp jatyrmyz. Sondaı - aq, jastarǵa esirtkiniń zııany týraly aıtyp beremiz. Maskalarda «Esirtkige jol joq» atty logotıp jabystyrylǵan», - deıdi polıtseı.
Qala turǵyndary aktsııany rızashylyqpen qabyldady.
«Men maskalardy taratyp jatqanyn kórip, ózim keldim. Bul óte durys áreket, al sýreti bar maskany qýana-qýana kıemin», - deıdi qala turǵyny Meıirjan Myńjanov.
