Qostanaılyq polıtseıler 18 jylqyny izdep tapty
QOSTANAI. QazAqparat - Qostanaılyq polıtseıler jaıylymda júrgen 18 jylqyny tapty, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Buǵan deıin Amankeldi aýdanyndaǵy sharýashylyq ıesi birneshe ret polıtsııaǵa jylqylarynyń joǵalǵany týraly aryz jazǵan.
«Іzdestirý sharalary barysynda polıtsııa qyzmetkerleri Qumkeshý aýylynan 18 shaqyrym jerde jaıylyp júrgen 18 jylqyny tapty. Polıtsııa úı janýaryna salǵyrt qaraǵan sharýashylyq ıesin jazaǵa tartty. «Vveterınarııa salasyndaǵy QR zańnamasyn buzǵany úshin» er adam ákimshilik jaýapkershilikke tartyldy. Aıyppul 20 AEK quraıdy», - delingen polıtsııanyń baspasóz qyzmetinde.
Osyndaı jaǵdaılardy boldyrmaý úshin tártip saqshylary úı janýarlaryna arnaıy chıp taǵýdy usynady. Sebebi, jyl basynan beri jaıylymda, qaraýsyz júrgen 54 janýar tabyldy.
