Qostanaılyq polıtseı júrgizýshi kýáligin satyp kelgen
QOSTANAI. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qostanaı oblysy boıynsha departamenti óńirdegi jemqorlyq deńgeıi týraly zertteý júrgizdi, dep habarlaıdy QazAqparat vedomstvonyń baspasóz qyzmetine silteme jasap.
Agenttik mamandary júrgizgen saraptama jumystaryna súıensek, oblysta jemqorlyqqa eń kóp jol beretin organ - Polıtsııa departamenti. Bul týraly Ulttyq bıýro men departament ókilderi PD-de ótken jıynda málimdedi. Jyl basynan beri ishki ister organdary ishinen jergilikti polıtsııa qyzmeti, atap aıtqanda, ýchaskelik ınspektsııa, tabıǵatty qorǵaý kúzeti, jol-patrýl polıtsııasy jemqorlyqqa kóbirek jol bergen. Departamenttiń memlekettik qyzmet kórsetý basqarmasynyń basshysy Gúlnar Shaǵyrova aıtqandaı, qylmystardyń deni para alý, alaıaqtyq, qyzmetin asyra paıdalanýǵa baılanysty oryn aldy. Qylmystyq-protsestik kodeksiniń sheńberinde oblystyq PD-ne atalǵan zańbuzýshylyqtardy jasaýǵa yqpal etken mán-jaılardy joıý jóninde usynym jasalyp otyrady.
«Máselen, Rýdnyı qalasy ákimshilik polıtsııa bóliminiń tirkeý-emtıhandyq jumysy bóliminiń bastyǵy memlekettik avtoınspektormen aldyn ala sóz baılasý arqyly kólik quraldaryn tirkeý esebine qoıý, sondaı-aq naqty emtıhan tapsyrmaı júrgizýshi kýálikterin berý úshin birneshe ret aqshalaı syıaqy aldy. Ol óziniń qyzmet jaǵdaıyn asyra paıdalanǵan. Buǵan qosa Departamenttiń senim telefonyna kelip túsken habarlamalar turmystyq sybaılas jemqorlyqtyń jekelegen kórinisterin kórsetedi», - deıdi basqarma basshysy.
Atalmysh shaǵymdardyń birin mysalǵa alsaq, Áýlıekól aýdandyq tirkeý-emtıhan pýnktiniń qyzmetkeri kólik quraldaryn satyp alý-satý mámilelerin resimdegeni úshin turǵyndardan 3 myń teńge somasynda aqshalaı qarajat alyp kelgen. Atalǵan fakti boıynsha polıtsııa departamentine hat joldandy.
Departament málimeti kórsetkendeı, ákimshilik polıtsııanyń tirkeý-emtıhan pýnktteriniń qyzmetkerleri memlekettik organdarda 28 899 memqyzmet kórsetken.
Elbasy tapsyrmasy boıynsha 2019 jyly kórsetiletin memlekettik qyzmetterdiń 80 paıyzy, al 2020 jyly keminde 90 paıyzy elektrondy formatqa kóshirilýge tıis. https://kaz.inform.kz/news/elbasynyn-kazakstan-halkyna-zholdauynyn-tolyk-matini_a3411515
Alaıda, aǵymdaǵy kórsetkish monıtorıngi qoıylǵan mindetterge jaqyndaýǵa múmkindik bermeıdi. Atap aıtqanda, Qostanaı oblysynda 11 aıdyń qorytyndysy boıynsha elektrondyq túrde barlyǵy 0,3% qyzmet kórsetilgen.
