Qostanaılyq polıtseı jaıaý júrginshini qaǵyp ketti
QOSTANAI. QazAqparat - Qostanaı oblystyq Polıtsııa departamentiniń qyzmetkeri jaıaý júrginshini kóligimen qaǵyp ketti, dep habarlaıdy QazAqparat.
Aqparatty oblystyq Polıtsııa departamentiniń baspasóz qyzmeti rastady. Oqys oqıǵa ál-Farabı-Chehov kósheleriniń qıylysynda bolǵan.
«29 sáýir kúni saǵat 12:30-dar shamasynda jeńil avtokólik jaıaý júrginshiler jolaǵynan ótip bara jatqan áıeldi soǵyp ketti. Avtokólik rólinde Rýdnyı qalasy polıtsııa bóliminiń ýcheskelik ınspektory bolǵan. Ol jábirlenýshige birden alǵashqy medıtsınalyq kómek kórsetip, jedel járdem qyzmetin shaqyrǵan», - deıdi Polıtsııa departamentiniń baspasóz qyzmetindegiler.
Qazir osy fakti boıynsha tergeý jumystary júrgizilýde. Anyqtalǵany - polıtseı oqıǵa kezinde qyzmet babynda júrmegen.
Foto: alau.kz
