Qostanaılyq polıtseı múgedek jannyń ómirin saqtap qaldy
QOSTANAI. QazAqparat – Rýdnyı qalasy polıtsııa basqarmasynyń qyzmetkeri Jánibek Bostanbaev múmkindigi shekteýli jandy ólimnen arashalap qaldy, dep habarlaıdy QazAqparat.
Polıtsııanyń baspasóz qyzmeti málim etkendeı, A. Nıfantev úıinde ózi ǵana turady. Kenet júregi qysylyp, ózin jaısyz sezingen. Ol jedel járdem qyzmetin shaqyrǵanymen, úı esigin ashýǵa shamasy kelmeı, otyryp qalady. Bul ýaqytta dárigerler polıtsııaǵa habar bergen.
«Oqıǵa ornyna ýchaskelik polıtsııa ınspektory Jánibek Bostanbaev keldi. Esikti asha almaǵan tártip saqshysy, bolgar arasyn taýyp alyp, metall esigin kesedi. Osylaısha úıge kirip, edende es-tússiz jatqan A. Nıfantevti kóredi. Polıtseı qaıtadan dárigerlerdi shaqyrady. Olar kelgenshe múgedek janǵa qajetti dárisin egip, qasynda bolǵan», - delingen polıtsııanyń aqparatynda.
A. Nıfantev oblystyq polıtsııa departamentiniń bastyǵy Beket Aımaǵambetovtiń atyna hat joldap, ýchaskelik polıtseıge alǵys aıtty.
Jánibek Bostanbaev quqyq qorǵaý salasynda 12 jyldan astam ýaqyt eńbek etedi.
